Donate
Donate
2026-27 വർഷത്തെ ശമ്പരിമല തീർത്ഥാടനവുമായി ബന്ധപ്പെട്ട കാര്യങ്ങൾ തീരുമാനിക്കുന്നതിനുള്ള വിശേഷാൽ പൊതുയോഗം 08.11.26 (ഞായറാഴ്ച) ഉച്ചയ്ക്ക് 2 മണിക്ക് അമ്പലപ്പുഴ ക്ഷേത്രം പടിഞ്ഞാറെ ഊട്ടുപുരയിൽ 2026-27 വർഷത്തെ ശമ്പരിമല തീർത്ഥാടനവുമായി ബന്ധപ്പെട്ട കാര്യങ്ങൾ തീരുമാനിക്കുന്നതിനുള്ള വിശേഷാൽ പൊതുയോഗം 08.11.26 (ഞായറാഴ്ച) ഉച്ചയ്ക്ക് 2 മണിക്ക് അമ്പലപ്പുഴ ക്ഷേത്രം പടിഞ്ഞാറെ ഊട്ടുപുരയിൽ
സ്വാമി ശരണം

Pettasangham

അമ്പലപ്പുഴ സംഘത്തിന്റെ ശബരിമല യാത്ര; ഭക്തിയുടെയും പാരമ്പര്യത്തിന്റെയും സജീവ പിൻതുടർച്ച

Aazhi Pooja List Annadhanam Availability

അമ്പലപ്പുഴയും അയ്യപ്പനും

Pettasangham Temple View

ശബരിമല ശ്രീധർമ്മശാസ്താവിന്റെ മാതൃസ്ഥാനമാണ് അമ്പലപ്പുഴയെന്നാണ് ഐതിഹ്യം. അമ്പലപ്പുഴ കൃഷ്ണനെ അയ്യപ്പസ്വാമിയുടെ അമ്മയായി കരുതി ആരാധിക്കുന്ന പാരമ്പര്യം ഇപ്പോഴും തുടരുന്നു. പുരാതന കാലത്തുതന്നെ ചെമ്പകശ്ശേരി, പന്തളം എന്നീ നാട്ടുരാജ്യങ്ങൾ തമ്മിൽ വലിയ സൗഹൃദം നിലനിന്നിരുന്നു. കടൽത്തീര രാജ്യമായ ചെമ്പകശ്ശേരിയെ സഹായിക്കാൻ പന്തളം രാജകൊട്ടാരത്തിലെ രാജകുമാരനായിരുന്ന മണികണ്ഠൻ പലപ്പോഴും എത്തിയിരുന്നതായി കഥകളുണ്ട്. അമ്പും വില്ലും ഉപയോഗിക്കുന്നതിൽ വിദഗ്ധനായ മണികണ്ഠൻ കടൽകൊള്ളക്കാരനായ വാവരുടെ ആക്രമണങ്ങളെ തടയാൻ ചെമ്പകശ്ശേരി രാജാവിനെ സഹായിച്ച കഥകൾ നാട്ടുചരിത്രത്തിൽ മായാതെ പതിഞ്ഞു കിടക്കുന്നുണ്ട്.

പിന്നീട് പന്തളം കൊട്ടാരത്തിലെ വാസം ഉപേക്ഷിച്ച്, കാനന വാസത്തിനായി മണികണ്ഠൻ പുറപ്പെട്ടു. കൊടും കാടിനു നടുവിൽ ക്ഷേത്രം പണിയുന്നതിന് അനുയോജ്യമായ സ്ഥലം കണ്ടെത്തുന്നതും ക്ഷേത്രം നിർമിക്കുന്നതും ഏറെ ശ്രമകരമായിരുന്നു. ഇക്കാര്യത്തിൽ ചെമ്പകശ്ശേരി രാജാവും പ്രജകളും പന്തള രാജനെ അകമഴിഞ്ഞ് സഹായിച്ചു. ശബരിമല ക്ഷേത്ര നിർമ്മാണത്തിൽ സഹായം നൽകിയ ചെമ്പകശ്ശേരി രാജ്യമാണ് ഇപ്പോൾ അമ്പലപ്പുഴ എന്ന പേരിൽ അറിയപ്പെടുന്നത്. നൂറ്റാണ്ടുകൾ കഴിഞ്ഞിട്ടും അമ്പലപ്പുഴ ദേശവും ശബരിമല ക്ഷേത്രവുമായുള്ള ഈ പവിത്രബന്ധം ഒട്ടും മങ്ങലേൽക്കാതെ കാത്തുപോരുവാൻ അയ്യപ്പഭക്തർക്ക് കഴിയുന്നുണ്ട്.

അമ്പലപ്പുഴ ദേശക്കാരുടെ ആചാരപരമായ ശബരിമലയാത്രയ്ക്ക് ഇപ്പോൾ നേതൃത്വം വഹിക്കുന്നത് അമ്പലപ്പുഴ യോഗം പേട്ടസംഘം ട്രസ്റ്റാണ്. 51 ദിവസം നീളുന്ന വ്രതാനുഷ്ഠാനങ്ങളോടെയുള്ള ഈ ശബരിമല യാത്ര കേരളത്തിലെ ഹൈന്ദവ വിശ്വാസ പാരമ്പര്യത്തിന്റെ വേറിട്ട മാതൃകകളിലൊന്നാണ്. വൃശ്ചികമാസം ഒന്നാം തീയതി മുദ്രമാലയണിഞ്ഞ് വ്രതം തുടങ്ങി, മകരജ്യോതി ദർശന സമയത്ത് ശബരിമല സന്നിധാനത്തെത്തി ദർശനം പൂർത്തിയാക്കി മടങ്ങും വിധമാണ് ഓരോ വർഷവും അമ്പലപ്പുഴ സംഘം ശബരീശ ദർശനയാത്ര നടത്തുന്നത്. 10 ദിവസം നീളുന്ന കാൽനട യാത്രയാണിത്.

Discover Our History

ആഴിപൂജ മുതൽ കെട്ടുനിറ വരെ

10 ദിവസം നീണ്ടുനിൽക്കുന്ന ഭക്തി നിർഭരമായ ചടങ്ങുകൾ മുറതെറ്റാതെ ആചാരപ്രകാരം നിർവഹിച്ചുകൊണ്ടാണ് അമ്പലപ്പുഴക്കാരുടെ ശബരിമലയാത്ര. മണ്ഡലക്കാലം തുടങ്ങുമ്പോൾ നാട്ടിലെ ക്ഷേത്രങ്ങളിലും വീടുകളിലും ആഴിപൂജ നടത്തുന്നതാണ് പ്രധാന മുന്നൊരുക്കം. മകരവിളക്കിനോടടുപ്പിച്ച് യാത്രാസമയം ആവുമ്പോഴേക്കും എല്ലാ കരകളിലും നിന്നുള്ള ഭക്തർ കെട്ടുനിറച്ച് അമ്പലപ്പുഴ ക്ഷേത്രത്തിൽ ഒത്തുചേരും. ഭഗവദ്ദർശനവും വഴിപാടുകളും കഴിഞ്ഞ ശേഷമാണ് രഥഘോഷയാത്ര പുറപ്പെടുക.

View Events

ചരിത്രവും പൈതൃകവും

അമ്പലപ്പുഴ സംഘത്തിന്റെ ശബരിമല യാത്രയ്ക്ക് നൂറ്റാണ്ടുകളുടെ ചരിത്രമുണ്ട്. ശബരിമലക്ഷേത്ര നിർമ്മാണ കാലത്തിനും മുൻപാണ് ഈ ചരിത്രം തുടങ്ങുന്നത്. വന്യമൃഗങ്ങൾ വിഹരിക്കുന്ന കൊടും വനത്തിനുള്ളിൽ പുതിയ വഴിതെളിച്ച് എത്തിചേരുക എന്നതുതന്നെ അക്കാലത്ത് വലിയ സഹസമായിരുന്നു. ക്ഷേത്ര നിർമ്മാണത്തിന് സ്ഥലം ഒരുക്കി കരിങ്കല്ല് ഉപയോഗിച്ച് തറയും ചുവരുകളും കെട്ടി ഉയർത്തുക എന്നത് അതിലേറെ ദുഷ്‌കരമായിരുന്നു. ആയുധങ്ങളായി ചുറ്റികയും മഴുവും ഒക്കെ മാത്രം ഉപയോഗിച്ചിരുന്ന കാലമായിരുന്നു അത്.

ശബരിമലയിൽ അയ്യപ്പക്ഷേത്രം നിർമ്മിക്കുക എന്ന പുണ്യകർമ്മത്തിന് പന്തളത്തു കൊട്ടാരത്തിൽനിന്ന് ശ്രമങ്ങൾ തുടങ്ങി. ഇക്കാര്യത്തിൽ വലിയ സഹായവുമായി ചെമ്പകശ്ശേരിയിലെ ആളുകളും കൈമെയ് മറന്ന് പ്രവർത്തിച്ചു. ശമ്പരിമല ക്ഷേത്രത്തിന്റെ വടക്കുഭാഗം നിർമ്മിച്ചത് ചെമ്പകശ്ശേരിയിൽ നിന്ന് എത്തിയവരാണെന്നാണ് പഴമക്കാർ പറയുന്നത്. ആദ്യകാലങ്ങളിൽ അമ്പലപ്പുഴയിൽ നിന്ന് എത്തുന്നവരായിരുന്നു ശബരിമല സന്നിധാനത്ത് ശ്രീകോവിലിനു വടക്കുഭാഗത്ത് വിരിവച്ച് വിശ്രമിച്ചിരുന്നത്. അക്കാലത്ത് വളരെ കുറച്ച് ഭക്തർ മാത്രമേ ശബരിമല അയ്യപ്പസന്നിധിയിൽ എതിയിരുന്നുള്ളു. പിന്നീട് തിരക്ക് വർധിച്ചപ്പോൾ പല മാറ്റങ്ങളും വന്നു. എങ്കിലും ആചാരാനുഷ്ടാനങ്ങൾ പിൻതുടർന്ന് അമ്പലപ്പുഴദേശക്കാർക്ക് ശബരിമലയിൽ പ്രത്യേക സൗകര്യങ്ങൾ ഇപ്പോഴും ഒരുക്കിനൽകുന്നുണ്ട്.

Pettasangham History & Tradition

Annadhanam Availability

Dates shown in green are available. To book Annadhanam, please contact the trust officials directly. Online booking is not available.

B Breakfast
L Lunch
P Payasam
D Dinner
Available
Booked
←

November 2026

→
Mon Tue Wed Thu Fri Sat Sun
1
B L P D
2
B L P D
3
B L P D
4
B L P D
5
B L P D
6
B L P D
7
B L P D
8
B L P D
9
B L P D
10
B L P D
11
B L P D
12
B L P D
13
B L P D
14
B L P D
15
B L P D
16
B L P D
17
B L P D
18
B L P D
19
B L P D
20
B L P D
21
B L P D
22
B L P D
23
B L P D
24
B L P D
25
B L P D
26
B L P D
27
B L P D
28
B L P D
29
B L P D
30
B L P D

ആഴിപൂജ

ശബരിമലയാത്രയുമായി ബന്ധപ്പെട്ട് നടത്തുന്ന ഏറ്റവും പ്രധാന ചടങ്ങാണ് ആഴിപൂജ. കാടും മേടും താണ്ടിയുള്ള കഠിന യാത്രയ്ക്കുള്ള പരിശീലനമാണ് ഈ ചടങ്ങ്. കാനന പാതയിലൂടെയുള്ള കഠിന യാത്രയ്ക്ക് ഉപകരിക്കുന്ന പലതും ഈ ചടങ്ങിലുണ്ട്. രാത്രി എട്ടുമണിക്ക് അമ്പലപ്പുഴ ക്ഷേത്രത്തിലെ പൂജകൾ കഴിഞ്ഞ് നടയടച്ചശേഷമാണ് ആഴിപൂജയുടെ ചടങ്ങുകൾ ആരംഭിക്കുക. കൂട്ടമായി ഉറക്കെ ശരണം വിളിച്ചുകൊണ്ട് അയ്യപ്പസങ്കല്പത്തിനു മുൻപിലായി വിറകുകൾ കൂട്ടിയടുക്കി തീകത്തിക്കുന്നതാണ് ആദ്യ ചടങ്ങ്. കാട്ടുമൃഗങ്ങളിൽ നിന്ന് രക്ഷ നേടുന്നതിനായി ഏറ്റവും ഉപകരിക്കുന്ന ഉപായമാണിത്. മകരമാസത്തിലെ മഞ്ഞിൽ നിന്നുള്ള രക്ഷയും ഇത് നൽകും.

തുടർന്ന് അയ്യപ്പകീർത്തനങ്ങൾ പാടി ആഴിക്ക് വലംവയ്ക്കും. ആഴിക്കരികിൽ ഇരുന്നു കൊണ്ട് അയ്യപ്പ കീർത്തനങ്ങൾ ചൊല്ലും. അയ്യപ്പന് അമ്പലപ്പുഴയുമായുള്ള ബന്ധം സൂചിപ്പിക്കുന്നവയാണ് ഈ അയ്യപ്പ കീർത്തനങ്ങൾ. അതിനുശേഷം പ്രസാദമായി ലഭിക്കുന്ന ഭക്ഷണവും കഴിച്ചാണ് ആഴിപൂജയിൽ പങ്കെടുക്കുന്നവർ മടങ്ങുന്നത്. ആഴിപ്രസാദമായി നൽകുന്ന ഭക്ഷണം വേഗത്തിൽ കേടാകാത്തതും ആരോഗ്യദായകവുമാണ്. വന യാത്രയിൽ ഉപയോഗിക്കാവുന്ന ഏറ്റവും ഉചിതമായ ഭക്ഷണമാണിത്. ശർക്കാരാപ്പാവ് കാച്ചിയെടുത്ത് അതിൽ അവിലും തേങ്ങയും ചേർത്ത് പാകപ്പെടുത്തിയെടുക്കുകയാണ് ചെയ്യുന്നത്. ഒപ്പം പലതരം പഴങ്ങളും അടയും ഉണ്ടാവും. ശർക്കരപാനികൊണ്ട് ഉണ്ടാക്കുന്ന പാനസവും പ്രസാദമായി നൽകും.

Aazhi Pooja List

Date Place
21 Nov 2026 Renjith - Chaithram, Amayida
25 Nov 2026 Cheerappanchira, Muhamma
28 Nov 2026 Sasidaran Pillai - Sreenilayam (Veluthedathuparambu), Amayida
09 Dec 2026 Puthukulangara Bhagavathy Temple, Kakkazhom
12 Dec 2026 Mallassery Mahadeva Temple, Komana
13 Dec 2026 Thevarunada Temple, Neerkunnam
16 Dec 2026 Murukkuveli Bhagavathy Temple, Purakkad
17 Dec 2026 Sathyan - Vadakkakom, Komana
18 Dec 2026 Erattakulangara Mahadeva Temple, Komana
19 Dec 2026 Adimana Bhadrakali Temple, Ambalapuzha
20 Dec 2026 Panayannar Kavu Devi Temple, Karoor
21 Dec 2026 Bhairavaswamy Temple, Komana
22 Dec 2026 AYPST - Ambalapuzha Temple
23 Dec 2026 Kayipalli Devi Temple, Kakkazhom
24 Dec 2026 Kovilparampu Sankaranarayanana Swamy Temple, Karoor
26 Dec 2026 Kanjoor Madom Vanadurgga Devi Temple, Karoor
09 Jan 2027 Manimalakkavu Devi Temple
11 Jan 2027 Erumeli Sree Dharma Shastha Temple
14 Jan 2027 Sannidhanam

ശബരിമല യാത്രയിലെ ചടങ്ങുകൾ

രഥ ഘോഷയാത്ര
06 Jan 2027

രഥ ഘോഷയാത്ര

പത്തുനാൾ നീളുന്ന ഭക്തിനിർഭരമായ തീർത്ഥാടന ചടങ്ങുകൾ ആരംഭിക്കുന്നത് രഥ ഘോഷയാത്രയോടെയാണ്. അമ്പലപ്പുഴ ക്ഷേത്രത്തിൽ വഴിപാടുകൾ നടത്തി ചുറ്റുവിളക്കുകൾ തെളിയിച്ച ശേഷമാണ് യാത്ര ആരംഭിക്കുന്നത്. എരുമേലി പേട്ടതുള്ളലിന് എഴുന്നള്ളിക്കുവാനുള്ള സ്വർണ്ണ ത്തിടമ്പ് ക്ഷേത്രം മേൽശാന്തി പൂജിച്ച് സമൂഹ പ്പെരിയോനു കൈമാറും. തുടർന്ന് തിടമ്പ് പ്രത്യേകം തയ്യാറാക്കി അലങ്കരിച്ച രഥത്തിൽ സ്ഥാപിച്ച് യാത്ര ആരംഭിക്കും. ഒന്നാം ദിനം അമ്പലപ്പുഴയിലെ വിവിധ ക്ഷേത്രങ്ങൾ ദർശിച്ച് തകഴി ധർമ്മ ശാസ്താ ക്ഷേത്രത്തിൽ വിശ്രമിക്കും. രണ്ടാം ദിനം കവിയൂർ ക്ഷേത്രത്തിലാണ് വിശ്രമം. മൂന്നാം ദിനം മണിമലക്കാവ് ദേവീക്ഷേത്രത്തിൽ എത്തി വിശ്രമിച്ച് ആഴിപൂജയും നടത്തി അഞ്ചാം ദിനം എരുമേലിക്ഷേത്രത്തിലെത്തുന്നതോടെ രഥ ഘോഷയാത്രക്ക് സമാപനമാകും. പേട്ടതുള്ളലിനു ശേഷം തുടർ യാത്ര കാനനപാതയിലൂടെ പമ്പയിലേക്ക് നീങ്ങും. ഈ വർഷത്തെ രഥയാത്ര ധനു 22ന് ആരംഭിച് ധനു 26ന് സമാപിക്കും
മണിമലക്കാവിൽ ആഴിപൂജ
09 Jan 2027

മണിമലക്കാവിൽ ആഴിപൂജ

അമ്പലപ്പുഴ സംഘത്തിന്റെ ശബരിമല യാത്രയിലെ ആദ്യ പ്രധാന ഇടത്താവളമാണ് മണിമലക്കാവ് ഭഗവതിക്ഷേത്രം. മണിമലയാറിന്റെ തീരത്തുള്ള ഈ ക്ഷേത്രത്തിൽ ദേവീ പ്രതിഷ്ഠയാണുള്ളത്. ചെമ്പകശ്ശേരി രാജാക്കന്മാരുടെ കാലം മുതൽ തന്നെ അമ്പലപ്പുഴക്കാർ മണിമല ക്ഷേത്രത്തിൽ എത്തി ആഴിപൂജ നടത്തിയശേഷമാണ് എരുമേലിയിലേക്ക് പോയിരുന്നത്. മണിമലക്കാവിലെ ആഴിപൂജ ഉത്സവാന്തരീക്ഷത്തിലാണ് നടക്കുക. ശബരിമലയ്ക്കുപോകുന്ന അയ്യപ്പഭക്തന്മാരെക്കൂടാതെ കാണികളായെത്തുന്ന നിരവധി ഭക്തരും ആഴിപൂജയ്ക്ക് സാക്ഷ്യം വഹിക്കും.

പന്തളത്ത് കൊട്ടാരത്തിലെ രാജ്‍ഞിക്ക് മരുന്നുണ്ടാക്കാൻ വേണ്ടി പുലിപ്പാൽ തേടി വന്ന അയ്യപ്പൻ പുലിയെ കണ്ടെത്തിയ സ്ഥലമെന്ന് കരുതുന്ന പുലിപ്പാറ ഈ ക്ഷേത്രത്തിനടുത്താണ്. അവിടെയും ഭക്തർ എത്താറുണ്ട്. ഈ വർഷത്തെ ആഴിപൂജ ധനു മാസം 25-ാം തീയതി നടക്കും.
എരുമേലിപ്പേട്ട
11 Jan 2027

എരുമേലിപ്പേട്ട

അയ്യപ്പൻ മഹിഷീ നിഗ്രഹം നടത്തിയപ്പോൾ പടയാളികൾ ചേർന്ന് നടത്തിയ അഹ്ലാദ പ്രകടനമാണ് പേട്ടതുള്ളൽ എന്നാണ് ഐതിഹ്യം. എരുമേലി ശ്രീധർമ്മശാസ്താക്ഷേത്രത്തിനടുത്തുള്ള പേട്ടശാസ്താ ക്ഷേത്രത്തിൽ നിന്നാണ് പേട്ടതുള്ളൽ തുടങ്ങുന്നത്. പേട്ട ആരംഭിക്കുന്നതിനു മുൻപായി ആകാശത്ത് കൃഷ്ണപ്പരുന്ത് വട്ടമിട്ടുപറക്കും. അമ്പലപ്പുഴ ശ്രീകൃഷ്ണ ഭഗവാന്റെ സാന്നിധ്യമായാണ് ഇത് വിശ്വാസികൾ കണക്കാക്കുന്നത്. പേട്ടശാസ്താക്ഷേത്രത്തിൽ നിന്ന് തുടങ്ങുന്ന പേട്ട, ആദ്യമെത്തുന്നത് തൊട്ടടുത്തുള്ള വാവർപള്ളിയിലാണ്, പള്ളിയുടെ ഭരണാധികാരികൾ കളഭം തളിച്ചാണ് പേട്ടസംഘത്തെ പള്ളിക്കുള്ളിലേക്ക് സ്വീകരിക്കുന്നത്. പള്ളിക്ക് വലം വച്ച് പുറത്തിറങ്ങുമ്പോൾ വാവരുടെ പ്രതിനിധിയും സംഘത്തോടൊപ്പം ചേരും. വാവരുടെ പ്രതിനിധിയേയും ഒപ്പം ചേർത്താണ് സംഘം എരുമേലി ശാസ്താക്ഷേത്രത്തിലേക്ക് എത്തുക. ക്ഷേത്രത്തിന് വലം വച്ച് തിരുനടയിൽ തൊഴുത് പ്രാർത്ഥിക്കുന്നതോടെ ചടങ്ങുകൾ അവസാനിക്കും.
പമ്പാസദ്യയും പമ്പവിളക്കും
13 Jan 2027

പമ്പാസദ്യയും പമ്പവിളക്കും

പമ്പാതീരത്ത് വിരിവച്ച് വിശ്രമിക്കുന്ന അമ്പലപ്പുഴ സംഘത്തിന്റെ പ്രധാന ചടങ്ങുകൾ പമ്പാസദ്യയും പമ്പവിളക്കുമാണ്. സംഘത്തിന്റെ ശബരിമലയാത്രയിൽ ഏറ്റവും വിഭവസമൃദ്ധമായി ഭക്ഷണം തയാറാക്കി വിളമ്പുന്നത് പമ്പാസദ്യയിലാണ്. മറവപ്പടയെ തോല്പിച്ച ഭടന്മാർക്കായി അയ്യപ്പൻ പമ്പയിൽ സദ്യനടത്തിയതായും കഥയുണ്ട്. അയ്യപ്പൻ ജനിച്ച സ്ഥലം എന്ന പ്രത്യേകത കൂടി പരിഗണിച്ചാണ് ഇങ്ങനെ ആഘോഷപൂർവ്വം സദ്യയൊരുക്കുന്നത്. മിക്കപ്പോഴും സദ്യ വിളമ്പുന്ന സമയത്ത് ആകാശത്ത് കൃഷ്ണപ്പരുന്ത് വട്ടമിട്ടുപറക്കുന്നതും കാണാം. തൊട്ടുകൂടായ്മയും തീണ്ടിക്കൂടായ്മയും നിലനിന്നിരുന്ന കാലത്തു പോലും ശബരിമല യാത്രയ്ക്കിടയിൽ ഒരുമിച്ചിരിന്നതിനും ഒമുമിച്ച് ഭക്ഷണം കഴിക്കുന്നതിനും വിലക്കില്ലായിരുന്നു എന്നകാര്യം പ്രത്യേകം ഓർമിക്കപ്പെടേണ്ടതാണ്. സന്ധ്യയ്ക്ക് ശരണം വിളികളോട പമ്പാനദിയിൽ അലങ്കാര ദീപങ്ങൾ ഒഴുകുന്ന പ്രധാന ചടങ്ങിനു ശേഷമാണ് സംഘം മല കയറുന്നത്‌
സന്നിധാനത്തെ ശീവേലി
15 Jan 2027

സന്നിധാനത്തെ ശീവേലി

മകരവിളക്കിന് തൊട്ടടുത്ത ദിവസം വൈകുന്നേരമാണ് മാളികപ്പുറത്തുനിന്ന് അയ്യപ്പസന്നിധിയിലേക്ക് നടത്തുന്ന ശീവേലി. ശബരിമലയിലെ ആദിമ ചൈതന്യം വസിച്ചിരുന്ന സ്ഥലമാണ് മണിമണ്ഡപമെന്നാണ് സങ്കല്പം. പന്തളത്തുകൊട്ടാരത്തിൽ നിന്ന് കൊണ്ടുവരുന്ന തിരുവാഭരണത്തോടൊപ്പമുള്ള കൊടിക്കൂറകളും മറ്റും ഇവിടെയാണ് സൂക്ഷിക്കുക. ഈ മണിമണ്ഡപത്തിലെ ചൈതന്യത്തെയാണ് ഇപ്പോഴത്തെ ശ്രീകാവിൽ നടയിലേക്ക് ആഘോഷപൂർവ്വം എഴുന്നള്ളിക്കുന്നത്. ദേവസ്വം എഴുന്നള്ളത്തുകളിൽ ഉപയോഗിക്കുന്ന ചട്ടവും, തിരുവാഭരണത്തോടൊപ്പം എത്തിക്കുന്ന കൊടിക്കൂറകളും ഇതൊടൊപ്പമുണ്ടാവും. ശീവേലി എത്തുമ്പോൾ പതിനെട്ടാംപടി കഴുകി വൃത്തിയാക്കി അലങ്കരിച്ച് കർപ്പൂരാരാധന നടത്തും. ക്ഷേത്രത്തെ വലംവച്ച് മാളികപ്പുറത്ത് തിരിച്ചെത്തിയാണ് ശീവേലി അവസാനിക്കുക. ശീവേലിക്കു ശേഷം സന്നിധാനത്ത് നടത്തുന്ന കർപ്പൂര ആഴിപൂജയും കഴിഞ്ഞാണ് സംഘം മലയിറങ്ങുക. പിന്നെ അടുത്ത വർഷത്തെ യാത്രയ്ക്കുള്ള കാത്തിരിപ്പാണ്.

Our Leadership & Committee

സമൂഹപ്പെരിയോൻ

N Gopalakrishna Pillai

N Gopalakrishna Pillai

കരപ്പെരിയോൻമാർ

P Sadasivan Pillai

P Sadasivan Pillai

Komana

R Gopakumar

R Gopakumar

Kakkazham

K Chandu

K Chandu

Karoor

R Madhu

R Madhu

Amayida

K Chandrakumar

K Chandrakumar

Karumady

C Sasikumar

C Sasikumar

Ambalapuzha

K Sobhanan

K Sobhanan

Purakkad

Executive Committee

Gopakumar R

Gopakumar R

President

Vinodkumar G

Vinodkumar G

Secretary

Harikumar K C

Harikumar K C

Treasurer

Jithin Raj R

Jithin Raj R

Vice President

Radhakrishnan C

Radhakrishnan C

Joint Secretary

Madhu R

Madhu R

Committee Member

Venugopal P

Venugopal P

Committee Member

Ashok C

Ashok C

Committee Member

Vivek V

Vivek V

Committee Member

Raju R

Raju R

Committee Member

Contact Us

We welcome your questions, feedback, and participation. Reach out to us anytime.

Address
Ambalapuzha Sri Krishna Swamy Temple
South Gate, Ambalapuzha P.O,
Alappuzha - 688561
Phone

9746298131

Email

aypstrust@gmail.com